Mujhe to kabhi khayaal nahi ata tumhara, lekin mummy bada poochti hai tumhare baare me. Accha ladka tha woh. Baat nahi hoti usse aaj kal ? Tune hi kuch galti ki hogi, ladti hogi usse bhi choti choti baat par.

Muskura deta tha sunkar vo naam mera, itni dur tak gya tha rishta humara..

Mujhe to kabhi khayaal nahi aata tumhara, han bass 6 mahine me ek baar, jab doston ke sath gupta jo ki chat khaane jaati hu, tab teekhe gol gappe chakh kar, tumhari behti hui vo laal naak par hasna or haar na maan na, ki mirchi tumse sahi nahi jaati, to bas yaad a jaati hai. Lekin mummy bada poochti hai tumhare baare me.

Ek fayeda to tha tumse baat krne me, thodi der hi sahi magar dil se muskurati thi..

Mujhe to kabhi khayaal nahi aata tumhara, bas mahine me 1 baar, jab collage jaane ke liye der ho jaati hai, aur tumhara subha subha gate ke bahar horn bajane par bahar jaldi se bhaag kar ana, Aur aaj jab tum nahi ho mere sath , to yaad aa jaati hai. Lekin mummy bada poochti hai tumhare baare me.

Teri khushi ki khatir hi tujhse baat krna chhd diya hai, par tum ye na smjhna ki mujhe koi aur mill gya hai..

Mujhe to kabhi khayaal nahi aata tumhara, han hafte me ek baar, jab kabhi doston ke ghar jaane par tumhari permission leni padti thi , ki doston se milne jaau ya na jaau, par aaj jab tum mere sath nahi ho, to yaad aa jaati hai. Lekin mummy bada poochti hai tumhare baare me.

Mujhe kisi ke badal jaane ka gam nahi hai, bas koi tha jis par khud se jada bhrosa tha.

Mujhe to kabhi khayaal nahi ata tumhara, bas din me 24 ghante tumhi ko yaad krti rehti hu , sochti hu ki tum hote aaj sath me baith kar priorities par lad- jhagad rahe hote , baith kar pyaar bhari baat, future planning kar rahe hote. Par aaj jab apni secret share krne ki baat aati hai to tumhari yaad a jaati hai. Lekin mummy bada poochti hai tumhare baare me.

Haal aisa hai ki tere hi gale lagkar, teri hi shikayat krni hai mujhe..

Aisa nahi tha ki saari khamiyaan mujhme hi thi, kuch tumme bhi thi. Bas tha itna ki gussa mujhe jada a jata tha, to kabhi ekdam se chup ho jaati thi, naraaz hoti thi to btati nahi thi, aur kabhi kisi baat ka gussa mahine bhar baad nikaalti thi, lekin mummy ko kabhi nahi btaya ki tumhari bhi galtiyan rehti thi. Wrna mummy poochna band kr deti tumhare baare me.

“Darr ye tha ki kahi tumhe kho na du, aur sach ye bhi hai ki maine to kabhi tumhe paya hi nahi tha.”

[starbox id=swati]

Also Read: Latest Stories from on EntertainmentLifestyle and Currently In Trend

Agar Apko Hamara Article Pasand Aaya Ho. Then Apne Views hame Comment Box Me Jarur Likhe & share kare apne friend circle me. Aur Bhi Chatpate Khabro Ke Lie Hame Follow Kare hame  Facebook Instagram Twitter Linkedin par

About Author

Editorial Staff

Leave a Reply

%d bloggers like this: