Agar Aapko Aapke kimti time ki koe kadar nhi to jrur dekhie, Mrs Serial Killer.

“Torture tune abhi dekha kaha hai? vo to tu ab dekhegi!” ek character hai movie ka jo ye dialog bolta hai. Kasam se bande ki baat mujhe starting me hi samjh leni chahie thi, then itna torture to na hi jhelti mai. Khair jaisa ki title aur description se aap samjh hi gae honge aaj mai kis ke baare me baat karne jaa rhi. So bina kisi deri ke chalie aage badhte hai aur btate hai aapko kya hai is time killler Mrs Serial Killer ki story.

Kaha milegi Ye Time Killer

Popular OTT Platform Netflix pe honge aapko darshan Mrs Serial Killer ke. Mujhe samjh nhi aata Netflix vaalo ka dimag ghas charne gya tha, ya Tatti karne. Jo inhone itni ghatiya movie bana di. Story itni ghatiya ki Kirdaaro ki bhi bejjatti kar daali. Bhai Manoj Bajpai Jaise Legendry Actor ke hone ke bavjood bhi ye movie ghatiya hi hai. And bhai ho bhi kyu na likhi aur direct karne vaale popular aur super duper flop Happy New year movie ke writer and director Shirish Kunder ji hai. Is bat ki gurantee to mai bhi de skti hu isse acha direction to Apne Ram Gopal varma hi karte the.

Kyu Hai Time Killer

Yaar Simple si to baat hai because of lockdown ham log kya hi kar sakte ha. Movie dekhna bhi ek jaria hai timepass karne ka but jab baat Mrs Serial Killer ki ho to time killer.

hame umeed thi ki Industry ke Behtreen actors hai to movie achi hogi. But kasam se Shirish ji ki writting aur direction ne mood ka satya nass kar diya. And time ka to kya hi kahna shayad hi mai is janam me unhe maaf kar pau.

So kahaani Kya Hai

Story basically chote se hill station me rahne vale couple Dr. Mrityunjay urf Joy ( Manoj bajpai) aur unki wife Sona ( Jacqueline Fernandez ) ki hai. Is story me Inspector Imran Shahid ( Mohit Raina ) bhi ek important character hai, jo ki Sona ka Ex-Boyfriend hai. Dr. Mrityunjay kie clinic se 6 ladkiyo ki dead body milti hai. Sab me ek common baat nikalti hai ki sabki sab pregnent hoti hai bina shadi ke. Unka Katil unke pet me pal rhe baccho khatm kar deta hai. But jis tarike se garbh me bacho ko nikal kar ladkiyo ko mara gaya.

Police ko lagta hai ki ye kaam kisi Gynecologist ka hi kam hai. Dr. Mrityunjay bhi Gynecologist hi hai. Sabko ye lagta hai ki Doshi Dr Mrityunjay hai but uski wife sona ka manna hai ki vo nirdosh hai. Jab Koe bhi vakeel unka case ladne se mana kar deta hai then vo rastogi ji ( Darshan Jariwala ) ke pass help ke lie jaati hai. Mrityunjay ne Rastogi ji ki kaafi help ki thi jarurt padne par. Phir kya tha rastogi ji bhi maan gae Doctor ka case ladne ke lie, but Doctor ko bachane ke lie vo sona ko ek tedha sa rasta btate hai. Jo ki sona ko duvidha me dal deta hai.

Kya Hai Kami

Story ki baat kare to nihayati ghatiya and uske sath sath screenplay to maha bakwas.But acting ki baat kare to Manoj bajpai ne hi thik thak kaam kiya hai. Although unka role kaafi chota sa tha aur sahi bhi tha kyuki itne ghatiya script pe aise actors se acting karvana bhi sharmnaak hai.

Overacting to ki hai Jacqueline Fernandez ne matab madam kaafi time se koe movie nhi mili to unhone saari acting ek hi movie me dal di. But unse bhi jyda doshi to hamaare Writer aur director Saheb Hai. Matlab yaar ek bandi ka husband jail me hai but uske fashion me koe kami nahi, hota hai kya aisa reality me. Bhai saheb matlab bandi murder bhi karti hai to fashionable kapde pehan kar. Maana movies reel life hoti hai but yaar relatable to rahti hi hai real life se.

But Hamare Director Saheb ko koe len den nahi kis bhi chiz se, vo to apni alag hi duniya ban ke ji rhe hai. Khair Manoj bajpai ke alwa bhi agar kisi ka kam notable hai to vo hai actress Zayn Marie. Moive me unhone ne Anushka naam ki Teenager ka role kiya hai. And Ye kahna bhi galata nahi rhega ki bandi ne apne role ke sath proper justice kiya hai.

Dekhe Ki Na Dekhe

Sawaal to sahi hai but jawab thoda tedha sa hai. Bhai agar aapko apna samay ki bedard maut dekhna hai then jarur dekhe. But Please koe logic mat dhoondha dekhte waqt. brain ka switch off karke hi dekhna. Acting me Jakline ne bilkul nirash nhi kiya “Drive” me unki acting dekhne ke baad umeed thi aisi hi kuch. Direction me Shirish ji ne dil jeet liya itni ghatiya si movie bana ke.

Sabse jyda dukhi to netflix ne kar diya matalb quality content dene vala OTT bhi ab ghatiya content dega to kya hoga ham logo ka.

Movie Na Sahi Trailer To Dekh Hi Lo

Aur bhi Articles Padhe :

Paad Ka Ilaaz | Bhai Sharaab to jruri hai | Hum Kiraya Nahi Denge

Funny Memes aur Entertaining Khabro ke lie hamse jude: Facebook | Twitter | Instagram | Linkedin

[starbox id=swati]

About Author

Editorial Staff

Leave a Reply

%d bloggers like this: