‘Doordarshan ke famous serial Ramayan me Raavan ka kirdaar nibhane vale actor Arvind Trivedi ke swargwaas ki khabre nikli galat. Sunday ko social media pe har jagah Arvind ji ke nidhan ki news viral ho rhi thi. Jiske baad sham me unke bhatije Kaustubh Trivedi ne ek tweet kiya aur bataya ki Arvind swasth hai aur logo se apeal bhi ki afwaho ko aur na failae.

Apne tweet me Kaustubh ne likha, ‘ Dear All, mere chacha Arvind Trivedi Lankesh poori tarah thik hai aur safe hai. Resuest hai ki farzi khabre failaana band kare aur unke sakushal ho ne ki khabar failae. Dhanyawad.

Sunday Ko Din Me Hi Kiya Tha Arvind Ne tweet

Isse pahle din me Arvind ne “Sri Krishna” Serial me, Krishna ka Role nibhane vaale Sarvdaman Banerjee ko social media ko join karne ke lie, tweet karke badhai dee.

Haal Hi Me Viewership Ke Naya Kirtimaan Banaya Poori Duniya Me

Re-telecast ke bavjood “Ramayan” ne poori Duniya me sabse jyda viewership ka record banaya. Iske baare me Doordarshan ne ek tweet karte hue likha, ‘ world record, Doordarshan par Ramayan ke re-telecast ne Duniya bhar me viewership ke saare record tod diye hai. Ye show sabse jyda Dekha jaane vala show ban gya hai. Jisko 16 April ko record 77 million viewers ne Dekha.

Last Month Hi Arvind Ne Twitter Ko Join Kiya

Jaise ki aap sab jaante hai ki lockdown 24th march se laagu hua aur Ramayan ko telecast 28 march se kiya Gaya. Kuch dino baad hi 12 April ko Arvind ji ne twitter pe Kadam rakhe aur pahle tweet likha, ‘finally, mai twitter pe aagya.’

Arvind Ki Paidaeesh Madhya Pradesh Ki Hai

Arvind Trivedi ji ka janm 8 November 1938 ko Madhya Pradesh ke Ujjain me hua, lekin unki karma bhumi Gujrat rahi. Gujrati rangmanch se unhone apne acting career ki shuruvaat ki. Unke Bhai Upendra Trivedi Gujrati Cinema ke jaane maane naam rahe hai aur kae Gujarati movies me kaam bhi kar chuke hai. Lankesh yaani ki Arvind Trivedi ne almost 300 movies me kaam kiya hai. Gujarati language ki dharmik aur samajik movies karke hi unko Gujarati viewers me pehcan mili. TV ke Raavan yani Arvind Trivedi Gujrat ke Sabarkantha ke MP bhi rah chuke hai

Din Bhar Kuch Yuhi Afwaahe Faili

Also Read: Latest Stories from on EntertainmentLifestyle and Currently In Trend

Agar Apko Hamara Article Pasand Aaya Ho. Then Apne Views hame Comment Box Me Jarur Likhe & share kare apne friend circle me. Aur Bhi Chatpate Khabro Ke Lie Hame Follow Kare hame  Facebook Instagram Twitter Linkedin par

About Author

Editorial Staff

Leave a Reply

%d bloggers like this: